Zohchunh awk tlak pa Chuck Feeny
By : Danny patawn
14 October 2011
Dear dawtmi hawile hna,
Zoh chunh tlak.. Chuck Feeny.. kong hi rel a nuam ngai. Hipa kong ka rel ah hin thil phunphun ka lung ah an chuak..
Hawi nih hitluk in chungkhat pehtlaih nak a neilo mi, misiing caah an neih vialte an pek, kum 2016 ah ka neih mi hawi ka pek dih hna lo ah cun ka thih siarem lailo, mihar ka bomh mi hna nih tlamtlin nak lei ah a ka hruai an ti lio ah ... Kei nih teh zeizat dah ka sian ? Zeizat dah ka pek cang ?Mi ca cu um rih seh, ka Khua le ram caah zeizawn ah dah ka tthat hnem ?Ka khua mi caah voi zeizat dah phaisa ka thawh ? Theipi kung asi ttung i, theipi a tlailo mi, krifa asi ttung i, thlarau thei a tlai lomi , Biak in lam panh ve lengmang ttung i, mi bomh nak kong ah ka khiarcar ning te hna ka ruat hna. Mi ca i khiarcar tuk hi phundang i chim ah cun sehtan ziaza ka neih ruang ah asi kolo maw ka ti. Zei ca tiah, Sehtan cu a mah zawn lawng a ruat ti cu theih cio mi asi ko. A tang i, Chuck Feeny kong hi rak rel ve hmanh !
Chuck Feeney cu American Irish miphun
Khrihfa chungkhar in a chuak mi a si. Kum 80 a si
cang i Chuck Feeney cu San Francisco ah mi inn
hlan in a nupi he khua an sa. Man fak hnipuan ai
hruk loh, a mitbenh zong a hlun tuk cang mi asi. A
kutkhih suimilam zong lampawng dawr ah a cawk mi
a si. Eidin thaw zong a tlaihchan mi a silo. Pumpak in
Motor a ngeilo. A herhnak hmun poh ah Bus,
tlanglawng le Taxi in a kal tawn. A ih hlan ah mei a
hmih ta zungzal.
Hitluk in a si a fakmi American pa kong chim
ahcun khuaruah har a si ko. A tuanmi rian zoh hmanh usih. Cornell University ah $ 588 million, California University ah $125 million, Stanford University $
60 million, Ireland ram ah Sianghleirun 7 le Chak Ireland ah sianginn pakhat saknak ah $ 1 billion a hlut
hna. A hmur a tlekmi ngakchia kutzung thiamnak lei
cawnnak caah Operation Smile a dirh piak hna i, si-ai
lei a bawmh hna.
Africa ram paleih zawtnak le a dangdang caah
tampi a hlut rih hna. Ahlut ciami hi $ 4 billion (1 billion= 1,000,000,000) a si i, hlut a timh rih mi $ 4 billion a si rih. Amah pumpak ca a zoh lo, zapi `thatnak
ca lawng a ruat. Phaisa kawl a duh nain a hmuh mi a
pe dih tawntu Chuck Feeney a si. Mi hmai minthan a
duh lo.
Thil a hlut mi poh a min a langhter lo. $ 8 billion man The Atlantic Philanthropies bu a dirhtu a si.
Cu bu cu Bermuda tikulh ah a va dirh. Bu dirhtu a
mah a si nain a min langhter a duh lo caah rian`tuantu
nih a ho dirhmi an thei lo. Mah bu nih mipi ca phaisa
an hlutmi a tam legluang nain a min langhter a duh
hoi lo. 1997 lawngah Chuck Feeney dirhmi Duty Free
Shoppers Group bu cu France minthang Bernard Arnault nih a cawk i cu ticun mipi nih an theih hi a si.
Amah pumpak dirhmi $ 8 billion man The Atlantic
Philanthropies bu zong na min in dirh siko seh an
timi a duh lo.
Mi nih an vun theih tikah vawlei pumpi a
hninh ko. Cu hnu lawng ah rumra ngeih a duh lo zia
mi nih an theih. Inn hi a ho hlut mi in dah sak a si tihi
a biapi lo, a biapi mi cu Inn sak an dih kha a si a ti .
Sem a rel ning nih khuaruah har in midang a chiah
hna.
France le England ah Inn minthang 6 a sak
nain a hlut dih. Minthang rawl dawrah $ 100 man ka
ei kho ko nain $ 25 man ka ei zongah ka paw a khim
ko a ti. Chuck Feeney hi fa le 5 a ngei hna. A fa le
zong sang ngai in umter a duh hna lo. Sianginn khar
can ah rawldawr le a dangdang ah rian a `tuan ter hna.
Min langhter loin an pa nih thil a
tuahmi kong ah a fa le nih an hnatlak
pi ve. Mihmai ah langsar ngaiin
nan um hrimhrim lailo tiah a fale a
cawnpiak hna.
Thil a hlutmi chungah Operation Smile timi a um i a chuah ka in
a hmur a tlek mi pawl Operation
tuahnak ah a bawmh hna. Voikhat cu
rawldawr pakhat ah mipa pakhat cu
Mr. Chuck Feeney sin a va kal i, Mr.
Sianginn ka kai lioah na hlutmi
bawmhnak ka rak hmu bal, atu cu hi
rawldawr ah manager ka si cang tiah
a ti.
Chuck Feeney cu Japan le
France holh zong a thiam. A kalnak
hmun kipah bawmhnak a pek hna.
Minung hi phiasa an kawl i rum an
duh cio. Hihi tuah uh ti chim hi ka
duh lem lo. Mihar bawmhnak ka pek
mi nih tlamtlinnak lei a ka hruai a ti.
Tulio mi bawmhnak ah pum a pemi
Billgate te pawl hi zohchun tlak tuk
an si a ti.
Chuck Feeney nih ruahchannak pahnih ka ngei a ti. Pakhat cu
2016 hlanah ka ngeihmi $ 4 Billion
ka hlut dih lai a ti. Vawleicung ah
bawmh herh minung an tam pi. Hihi
ka hlut lo ahcun ka thih sia a rem lai
lo a ti. A dang pakhat cu mirum nih
zohchun dingin um a si. Vawlei nun
hi a nuam tuk.
Cucaah mihar bawm hna
uh a ti. Zeiruang ah dah pakhat
hmanh i chiah loin na hlut dih tiah
an hal i, “mithi an i hrukmi hnipuan
ah zal a umlo tiah a leh hna.
Ref : The One Star Journal chung in lak chin mi asi.
Damte cio in
Danny Thla Tawn Bawitlung
Czech Republic
